تم طرح موضع الحريم والسواقة الي أدوخنا ودبل كبودنا

تم طرح موضع الحريم والسواقة الي أدوخنا ودبل كبودنا

والمؤيد لهذه الخطوة يبرر ويقول عشان رخامة السواقين واللي يقول عشان المصاريف تقدر ب12 مليون ولا مليار واللي يقول أغلبهم ماساقوا سيكل في ديرتهم وجاي سوق فياقرا هنا (والله قهر ) واللي يقول ويقول لين ما يجف حلقه واللي ما يبي يقول هناك فتوة تحرم و ولازم محرم و اللي يقول من الأصل حرام مزرقن لكن محد فكر لا ساقوا الحريم ويش بي يصير :-

أولا ً - لا سقت المرة وسوت حادث لا سمح الله ويش بتسوي عاد تعال شف حريمنا تطلع تشوف القبعة وتعود تدخل السيارة وتكسر عليه الباب وتقعد تصيح ولا تقعد تنوح وهي الغلطنة مية بالمية وتركب الرجال الغلط توقعوا أو تخيلوا .( عاد حريمنا ماش قلب )

ثانياً – لو صدمت واحد قاطع الشارع ويش بيصير فيها تخيلوا بعد وكيف بيحطونها بالتوقيف .

ثالثاً – التوقيف أها هذي النقطة الحساسة عاد تخيلوا حرمة ولا بنية ماسكها رجال الأمن ومدخلها الدورية كيف بيكون منظر الحرمة في ذاك الموقف ولو كانت عاد من بنات الكبار عاد أنواع السب في العسكري والمجاغة والعسكري مسكين ماعليه ألا يطبق القانون .

رابعاً – عاد من زود الشباب المحترم بيخلون الحريم تسوق والله يافي عالم كيس زبالة (وأنتم بكرمة ) يلحقه عاد كيف لو شاف بنية تسوق جنبه تخيلوا الموقف .

خامسأً – إذا تمشي في الرياض ولا جدة تزهق من زحمة السيارات والبشر اللي فيها كيف لا خلوا الحريم تسوق وإذا كان في العلم إن البيت الواحد في السعودية ولا نجمع لكن الأغلبية تلقي قدام البيت ثلاث أربع سيارات (ماشاء الله ) أجل لا ساقوا الحريم كم سيارة بتلاقي تخيلوا .

سادساً - لو ضرب كفر على هالمسكينة إلي تسوق كيف بتغيره وكيف عاد (تلاقي الشباب صف ورها مسوين نشامى على غفلة بيساعدون).


طيب ساقة الحرمة ويش بيصير ممكن هذا اللي يصير :-

لازم تدخل المرآة سلك المرور لأن كيف يوقف المرآة رجال صعبة شوي صح ولازم يحطون أقسام حريم .
( وتشوف ضباط حريم ورقبأ وحركات والله الحريم )

وضع ورش خاصة للحرم رم أو موظفات أستقبال في وكلات الصيانة .

ويمكن ما تدري بكره يحطون مسارات عوائل ومسارات شباب وياردي حظ الشباب اللي مكسور جناحه .

مواقف عوائل ومواقف شباب محطات عوائل محطات شباب كلش عوائل وشباب .

وفي نهاية الكلام أنتم أحكموا ولا أنا لا مع ذا ولا مع ذاك مريح راسي بالمرة

وهذا هو أول مواضيعي


تحياتي لكم